20-წლიანი პაუზის შემდეგ შერეკილების, არაჩვეულებრივი გამოფენისა და ცისფერი მთების რეჟისორი ელდარ შენგელაია ახალ ფილმზე მუშაობს.

სავარძელი - ასე ჰქვია შენგელაიას ახალ ფილმს, რომელიც ძალაუფლების მოყვარულ ადამიანებსა და ზნეობრივ საკითხებს ეხება.

როგორც ცნობილია, ფილმში მთავარ როლს ნიკა თავაძე ასრულებს. კინოსურათში ნინელი ჭანკვეტაძესა და ნანა შონიასაც ვიხილავთ.

აღსანიშნავია ისიც, რომ ელდარ შენგელაიას ახალ ფილმში ვიტალი ხაზარაძის სამსახიობო დებიუტი შედგება. ის პრემიერ-მინისტრის როლს შეასრულებს.

როგორც ელდარ შენგელაიამ On.ge-სთან საუბარში აღნიშნა, ფილმზე მუშაობა დიდი ხანია მიმდინარეობს და სავარძელს მაყურებელი სავარაუდოდ 2017 წლის თებერვალში იხილავს.