ყველას გვსმენია ფრაზა — არ არსებობს დიდი და პატარა როლები, არსებობენ დიდი და პატარა მსახიობები. ამ სიას თუ გადახედავთ დარწმუნდებით, რომ ეს ნამდვილად ასეა.

1. ჰიტ ლეჯერის ჯოკერი — The Dark Knight

ფოტო: Giphy

ჯოკერის საეთერო დრო 33 წუთია. ჰიტ ლეჯერმა ამ დროის განმავლობაში შეძლო სამსახიობო ოსტატობის ჩვენება და სიკვდილიდან რამდენიმე თვეში ოსკარიც მოიპოვა.

2. მაიკლ კიტონის ბითლჯუსი — Beetlejuice

ფოტო: Giphy

მაიკლ კიტონმა სულ რაღაც 17 წუთში შეძლო საუკეთესო სანახაობის მოწყობა და ბითლჯუსისგან დაუვიწყარი პერსონაჟი შექმნა.

3. ჯუდი დენჩის დედოფალი ელიზაბეთ I — Shakespeare in Love

ფოტო: Giphყ

ჯუდი დენჩს 8 საეკრანო წუთი დასჭირდა თავისი კარიერის ერთადერთი ოსკარის მოსაპოვებლად და ალბათ სამართლიანად. ერთადერთი მიზეზი, რის გამოც ფილმის ნახვა ღირს მის მიერ განსახიერებული ელიზაბეთ I-ია.

4. ენტონი ჰოპკინსის ჰანიბალ ლექტერი — Silence of the Lambs

ფოტო: Giphy

ჰანიბალ ლექტერის საეკრანო დრო 16 წუთია, რომლის ძირითადი ნაწილიც გისოსებს მიღმა ვითარდება. ენტონი ჰოპკინსმა საკულტო პერსონაჟიც შექმნა და საუკეთესო მამაკაცის როლისთვის ოსკარიც ერგო.

5. ენ ჰეთეუეის ფანტინი — Les Misé rables

ფანტინის საეკრანო დრო დაახლოებით 15 წუთია, ენ ჰეთეუეიმ სწორედ ამ დროში მოახერხა კომპლექსური პერსონაჟის შექმნა და ოსკარის მოპოვება.

6. მაჰერშალა ალის ხუანი — Moonlight

ფოტო: Giph

მაჰერშალა ალის ხუანს ფილმის პირველ მესამედში, 20 წუთით ვხედავთ. ეს დრო სრულიად საკმარისი აღმოჩნდა ოსკარის პირველი ნომინაციისა და გამარჯვებისთვის.

7. ალან არკინის ედვინ ჰუვერი — Little Miss Sunshine

ფოტო: Giphy

ბაბუა ედვინს მხოლოდ 14 წუთის განმავლობაში ვხედავთ, თუმცა არკინს არც დასამახსოვრებელი პერსონაჟის შექმნა გაუჭირდა და არც კარიერაში პირველი ოსკარის მოპოვება.

8. ვაიოლა დევისის მისის მილერი — Doubt

ფოტო: Gifer

მისის მილერის 8-წუთიანმა გამოჩენამ, რომლის ძირითადი ნაწილიც ვაიოლა დევისის პერსონაჟის ამაღელვებელი მონოლოგია მსახიობს ოსკარის პირველი ნომინაცია მოუტანა.

9. მარგარეტ ჰამილტონის დასავლეთის ბოროტი ჯადოქარი — The Wizard of Oz

ფოტო: Giphy

სულ რაღაც 10 წუთი ეკრანზე და ჰამილტონის დაუვიწყარი ჯადოქარი ბროდვეის მიუზიკლის ინსპირაციადაც კი იქცა.

10. ივანა ლინჩის ლუნა ლავგუდი — Harry Potter

ფოტო: Giphy

თუ ჰარი პოტერი ნანახი გაქვს შეუძლებელია ლუნა ლავგუდი დაივიწყო. ფენტეზის ერთ-ერთი ყველაზე სახასიათო პერსონაჟს ჯამში მხოლოდ 17 წუთის განმავლობაში ვხედავთ.