საქართველოს პრეზიდენტმა, სალომე ზურაბიშვილმა მეათე მოწვევის პარლამენტის პირველ სხდომაზე განაცხადა, რომ საზოგადოება ერთ წრეზე ბრუნვით დაიღალა და მათ უნდა მოუსმინონ.

"დავიღალეთ! საზოგადოებას უნდა მოვუსმინოთ ამ დარბაზში და ამ დარბაზის გარეთ დავიღალეთ ერთ წრეზე ბრუნვით! ქუჩიდან პოლიტიკური პროცესების მართვის მცდელობით, დიალოგის ნაცვლად მუქარითა და დესტაბილიზაციის პროვოცირებით!", — განაცხადა პრეზიდენტმა.

ზურაბიშვილის თქმით, ოცდაათი წლის განმავლობაში ქუჩაში ყველა თაობა იდგა, ახლა კი ქვეყანას სხვა რამ სჭირდება.