ჯანდაცვის მინისტრი, ეკატერინე ტიკარაძე აცხადებს, COVAX პლატფორმიდან კორონავირუსის ვაქცინის ყიდვას კერძო ბიზნესი ვერ შეძლებს. მინისტრის თქმით, პლატფორმა განსაზღვრავს რომელ ქვეყანას რა მოცულობის ვაქცინა სჭირდება

"COVAX პლატფორმით კერძო ბიზნესი ვერ შეიძენს ვაქცინას, ვინაიდან ეს არის სახელმწიფოებრივი მოლაპარაკება. აქ არის განსაზღვრული ფასი, რომელიც რომლითაც ჩვენ გვეძლევა საშუალება, რომ საკმაოდ დაბალ ფასად შევიძინოთ ვაქცინა. ასევე, განსაზღვრული არის წილობრივად ყველა ქვეყანაზე, თუ რა მოცულობის ვაქცინის შეძენის საშუალება გვექნება. ეს აძლევს საქართველოს უპირატესობას, იმასთან დაკავშირებით, რომ რაც შეიძლება დროულად მოხდეს საქართველოში ვაქცინის შემოტანა, რაც უზრუნველყოფს ჩვენი მოქალაქეების უსაფრთხოებას", — განაცხადა ეკატერინე ტიკარაძემ.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის თქმით, ქვეყანას COVAX პლატფორმისთვის უკვე გადახდილი აქვს $4 მილიონი.

გაიგეთ მეტი: