საქართველოში ევროკავშირის ელჩი, კარლ ჰარცელი აცხადებს, რომ პოლიტიკურ პარტიებთან მოლაპარაკებები გრძელდება და შემდეგი დისკუსია უფრო რთულიც იქნება.

"ეს მნიშვნელოვანი შეხვედრა იყო, რადგან დავაზუსტეთ, რომ დისკუსიები კიდევ გაგრძელდება. ჩვენ ვაგრძელებთ შვიდ პარტიასთან საუბარს, ახლა მხედველობაში მივიღებთ ამ ყველაფერს, თუ როგორ გავაგრძელებთ გამოსავლის გზის ძიებას, ეს დისკუსია გაგრძელდება და იქნება ძალიან რთული", — განაცხადა ჰარცელმა. [რუსთავი ორის თარგმანი].

ევროკავშირის ელჩი საქართველოში, კარლ ჰარცელი და აშშ-ის ელჩი, კელი დეგნანი, ოპოზიციისა და სახელისუფლებო გუნდის წარმომადგენლებთან ერთად შეხვედრებს მართავენ, რათა პოლიტიკური კონსენსუსი შედგეს და კრიზისი, რომელიც 31 ოქტომბრის არჩევნებს მოჰყვა, განიმუხტოს.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და ბოიკოტი გამოუცხადეს არჩევნების მეორე ტურსაც, რომელიც 21 ნოემბერს ჩატარდა. მასში არცერთი ოპოზიციური პარტია მონაწილეობდა. 17 მაჟორიტარულ ოლქის გარდა, მეორე ტური გაიმართა ქუთაისის მერობის არჩევნებზეც. როგორც მოსალოდნელი, ოპოზიციის გარეშე ჩატარებულ არჩევნებში, სახელისუფლებო პარტიამ გაიმარჯვა.