რუსეთის პრეზიდენტმა ვლადიმირ პუტინმა ოკუპირებული აფხაზეთის ე.წ. პრეზიდენტ ბადრა გუნბას გამარჯვებისა და დამოუკიდებლობის დღე მიულოცა.

პუტინი წერს, რომ ეს დღე აფხაზი ხალხის სიმტკიცის, სიმამაცისა და ერთიანობის სიმბოლოა. მისივე თქმით, რუსეთ-აფხაზეთის ურთიერთობები მეგობრულ და მოკავშირეობრივ ხასიათს ატარებს და რუსეთი მომავალშიც გააგრძელებს აფხაზეთის დახმარებას სახელმწიფოებრივი მშენებლობისა და სოციალურ-ეკონომიკური განვითარების საკითხებში.

"პატივცემულო ბადრა ზურაბოვიჩ,

მიიღეთ გულწრფელი მილოცვა გამარჯვებისა და დამოუკიდებლობის დღესთან დაკავშირებით.

ეს ღირსშესანიშნავი დღესასწაული აფხაზი ხალხის სიმტკიცის, სიმამაცისა და ერთიანობის სიმბოლოა — ხალხის, რომელმაც დაიცვა თავისი კანონიერი უფლება თავისუფალ და მშვიდობიან ცხოვრებაზე.

რუსეთ-აფხაზეთის ურთიერთობები მეგობრული და მოკავშირეობრივი ხასიათისაა.

დარწმუნებული ვარ, რომ ისინი მომავალშიც გაძლიერდება ჩვენი ხალხების საკეთილდღეოდ და რეგიონული სტაბილურობისა და უსაფრთხოების უზრუნველყოფის ინტერესებში.

რუსეთი კვლავაც აქტიურად დაეხმარება აფხაზ პარტნიორებს სახელმწიფოებრივი მშენებლობისა და სოციალურ-ეკონომიკური განვითარების აქტუალური ამოცანების გადაჭრაში.

გისურვებთ ჯანმრთელობასა და წარმატებებს, ხოლო აფხაზეთის ყველა მოქალაქეს — ბედნიერებასა და კეთილდღეობას", — წერს პუტინი.