ახალი წელი ახლოვდება და დროა, იმაზე დავიწყოთ ფიქრი, თუ რით გავახარებთ ჩვენს საყვარელ ადამიანებს. წლის ეს ჯადოსნური დრო განსაკუთრებით აღმაფრთოვანებელი ბავშვებისთვისაა, რომლებიც ახლა თოვლის ბაბუასგან დაუვიწყარ საჩუქარს ელიან, მას კი სასაჩუქრედ, აი, ამ 10 იდეას შევთავაზებთ:

1. ხელოვნური ტერარიუმი ბავშვებისთვის, რომლებსაც მეცნიერება და ბოტანიკა აინტერესებთ

ფოტო: Amazon

ფოტო: Amazon

ბუნებისა და მეცნიერების სილამაზეები მოყვარულ პატარებს ტერარიუმის ეს ნაკრები საშუალებას მისცემს, სახლიდან გაუსვლელად შექმნას, დარგოს, მორწყოს და 3-4 დღეში გაზარდოს საკუთარი პატარა ეკოსისტემა, თან კი მზრუნველობასა და პასუხისმგებლობასაც ისწავლის! მცირეოდენ წყალს დაამატებ და უნიკალური სამეცნიერო თავგადასავალიც იწყება. ნაკრებშია ყველაფერია, რაც პატარა ბოტანიკოსს სჭირდება: პლასტმასის ქილა, სანიადაგო სუბსტრატი (ვერმიკულიტი), ორგანული ჩიას და ხორბლის ჯეჯილის თესლები, სიბნელეში მნათი პატარა ფიგურები და მრავალი სხვა. ხელნაკეთ ტერარიუმს თან მოყვება ვარსკვლავებისა და თანავარსკვლავედების მნათობი სტიკერები, რომლებიც ღამით თქვენს პატარა ბაღს გაანათებს.

შეიძინეთ ამაზონზე $14.99-ად

2. ფერადი ფანქრები მათთვის, ვისაც კრეატიულობა და მრავალფეროვნება უყვარს

ფოტო: Amazon

ფოტო: Amazon

ბავშვები განსაკუთრებით ექსპრესიულები არიან და საკუთარი თავის გამოსახატად მათთვის ხშირად ერთ-ერთი საუკეთესო გზა ხატვაა. თუკი თქვენი პატარა კრეატიული და შემოქმედებითია, მისთვის ზედგამოჭრილი საჩუქარია ფერადი ფანქრების ეს ნაკრები. ნაკრებში შესულია 50 სხვადასხვა, ძალიან ცოცხალი ფერის ფერადი ფანქრები, რომლებიც გასაფერადებლებისა თუ სახატავების თითოეული დეტალის გამოკვეთის საშუალებას იძლევა.

შეიძინეთ ამაზონზე $10.99-ად

3. "შეაერთე 4" მათთვის, ვისაც გამოწვევები არ აბრკოლებს

ფოტო: Amazon

ფოტო: Amazon

კლასიკური თამაში "შეაერთე 4" (Connect 4) ძალიან მარტივი, სწრაფი და სახალისო იმ პატარებისთვის, რომლებსაც ლოგიკური აზროვნება და გამოწვევები უყვართ. ორი მოთამაშე პატარა ყვითელ და წითელ მონეტებს ინაწილებს და მორიგეობით ყრის დაფაში, რათა ჰორიზონტალურ, ვერტიკალურ ან დიაგონალურ ხაზზე ოთხი ერთნაირი ფერის მონეტა დააგროვოს და მეტოქე დაამარცხოს.

შეიძინეთ ამაზონზე $7.88-ად

4. გადასაფხეკი ფერადი ბარათები მათთვის, ვინც სიმეტრიასა და ფერების სილამაზეს აფასებს

ფოტო: Amazon

Scratch Art-ის სხვადასხვა ფორმის ბარათებზე შეგიძლიათ, ამოკაწროთ სიტყვები, ჩანახატები, დიზაინები, სურათები, სიმბოლოები და მრავალი სხვა, ბარათების შიგნით დამალული ფერები კი ამ ნამუშევარს უნიკალურ ხელოვნების ნიმუშად გარდაქმნის! ნაკრებში 5 სხვადასხვა ფორმის 125 შავი ბარათია, რომელშიც სპეციალური ფანქრით გადაფხეკის შემდეგ სხვადასხვა ფერის ულამაზესი ფონები ვლინდება.

არსებობს ბარათების სხვადასხვა ვერსია მეგობრობაზე, არდადეგებზე, ბუნებაზე, ოკეანესა და ცისარტყელაზე.

შეიძინეთ ამაზონზე $7.84-ად

5. ჩასაწყობი ფინჯნები პირველ წლებში თვლის სასწავლად

ფოტო: Amazon

ფოტო: Amazon

ერთმანეთში ჩასაწყობი ფინჯნები თქვენი პატარას პირველი სათამაშოების კოლექციის დასაწყებად ერთ-ერთი საუკეთესო არჩევანია. ეს ფინჯნები მარტივი, მაგრამ ძალიან სახალისო გართობის საშუალებას იძლევა. პატარებს ძალიან უყვართ მათი ერთმანეთში ჩაწყობა, ერთმანეთზე დაწყობა თუ მათ შიგნით რაღაცების დამალვა. ოდნავ უფრო დიდი ბავშვებისთვის ფინჯნებს ძირზე რიცხვები აქვს მითითებული, რითაც ისინი რიცხვების ამოცნობას და დათვლას ისწავლიან.

შეიძინეთ ამაზონზე $4.99-ად

6. თამაში "ჯენგა" ხის კოშკურების ასაგებად და ოჯახთან ერთად უფრო მეტი დროის გასატარებლად

ფოტო: Amazon

ყველასათვის საყვარელი და კარგად ნაცნობი ჯენგა ხის კოშკურებთან ერთად ოჯახური ურთიერთობების აგების მშვენიერი საშუალებაცაა. სანამ ყველას სახლში გვიწევს ყოფნა, სტრატეგიასა და იღბალზე გათვლილი ეს თამაში შვილებსა და მშობლების უფრო დააახლოებს და ერთმანეთთან უფრო მეტი დროის გატარების შესაძლებლობას მისცემს.

შეიძინეთ ამაზონზე $8.00-ად

7. დამწყები მზარეულის კომპლექტი მათთვის, ვინც კულინარიითაა გატაცებული

ფოტო: Amazon

დამწყები მზარეულოს კომპლექტი იდეალურია იმისთვის, რომ პატარა შეფმზარეულებისთვის სამზარეულოში ყოფნა უფრო სახალისო გახდეს. კომპლექტში შესული მზარეულის ქუდი, წინსაფარი, სამზარეულოს ხელსაწყოები და 10 მარტივი რეცეპტი, თანაც ილუსტრაციებით ნაბიჯ-ნაბიჯ ახსნილი, ბავშვებს დედისა თუ მამისთვის მზარეულობაში მიხმარების და მათთან ერთად გემრიელობების კეთების საშუალებას მისცემს.

შეიძინეთ ამაზონზე $11.96-ად

8. სათამაშო რაციები უფრო სახალისო და აქტიური კომუნიკაციისთვის

ფოტო: Amazon

ფოტო: Amazon

სახლში პლედებისგან ბაზების აშენება, საიდუმლო მისიებზე წასვლა, დაზვერვა, უმნიშვნელოვანესი ინფორმაციის სწრაფად გადაცემის საჭიროება — ასეთი თამაშობები პატარაობაში ყველას ძალიან გვიყვარდა. მაღალი ხარისხის პატარა და მსუბუქი სათამაშო რაციები ბავშვებს თამაშისას თუ სხვა დროს ერთმანეთთან და მშობლებთან სახალისო კომუნიკაციის შესაძლებლობას მიცემს — თანაც ისინი გამოსაყენებლად და სადმე თან წასაღებად ძალიან მარტივია.

შეიძინეთ ამაზონზე $21.99-ად

9. პატარა იოდას სათამაშო ვარსკვლავური ომების გულანთელი ფანებისთვის

ფოტო: Amazo

ფოტო: Ama

საახალწლოდ ვარსკვლავური ომების პატარა და გულანთებულ ფანებს შეგიძლიათ დისნეის სერიალის, მანდალორელის, პატარა იოდას შთაგონებით შექმნილი ეს მწვანეკანიანი, დიდყურებიანი და დიდთვალებიანი სისაყვარლე აჩუქოთ! თანაც, მოდი, აქვე ვაღიაროთ, რომ საკუთარი "ბეიბი იოდას" ყოლა მხოლოდ ბავშვებს კი არა, უფროსებსაც ძალიან გვინდა — სხვა თუ არაფერი, შეგიძლიათ, მანდალორელი თავებზე მონადირის როლი მოირგოთ და საკუთარი პატარა იოდა დაიცვათ!

შეიძინეთ ამაზონზე $17.99-ად

10. თამაში "უნო" მათთვის, ვისაც სისწრაფე და საზრიანობა ეხერხება

ფოტო: Amazon

უნო კლასიკური სამაგიდო ბანქოს თამაშია, რომელშიც მოთამაშეები მონაცვლეობით დებენ ერთმანეთზე შესაბამის კარტებს რიცხვის ან ფერის მიხედვით — თუ შესაფერისი კარტი არ გაქვს, მისი აღება ცენტრალური დასტიდან გიწევს. სპეციალური კარტები მოვლენების სრულიად მოულოდნელად განვითარების საშუალებას იძლევა — სვლის გამოტოვების, მიმართულების შეცვლის, დამატებითი კარტების აღების და ა.შ. — ბოლოს კი ის იმარჯვებს, ვინც პირველი მოიშორებს ხელთ არსებულ ყველა კარტს. რაც მთავარია, არ დაგავიწყდეთ, რომ, როგორც კი მხოლოდ ერთი კარტი დაგრჩებათ ხელში, აუცილებლად უნდა დაიყვიროთ "უნო"!

შეიძინეთ ამაზონზე $5.99-ად