დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის მოადგილე, თამარ გაბუნია აცხადებს, რომ ბათუმში კორონავირუსით გარდაცვლილი 31 წლის ორსული ქალი ფილტვის მძიმე დაზიანებით გარდაიცვალა და რომ მას თანმხლები დაავადებები არ აღენიშნებოდა. გაბუნიას თქმით, პაციენტმა პროტოკოლით გათვალისწინებული ყველა ეტაპი რეალურად გაიარა.

" ძალიან სამწუხაროა, როცა ასეთ მდგომარეობაში ხდება გარდაცვალება, ორსულობა მაქვს მხედველობაში. ის ინფორმაცია, რაც ჩვენ დღეს კლინიკიდან გვაქვს მიუთითებს, რომ ეტაპები, რაც გაიარა პაციენტმა იყო ის, რაც რელაურად პროტოკოლით არის გათვალისწინებული. უფრო ჩაღრმავებულ ანალიზს გავაკეთებთ. გარდაცვალება ფილტვის მძიმე დაზიანებას უკავშირდება. კონკრეტულ შემთხვევაში ქალს თანხმლები დაავადებები ან რაიმე სხვა მიზეზი, რასაც მდგომარეობის გართულება შეიძლება გამოეწვია არ ფიქსირდება", — განაცხადა გაბუნიამ.

მისივე თქმით, ჯანდაცვის სამინისტრო ყველა შემთხვევას სწავლობს და ამ კონკრეტულ შემთხვევას აუდიტის ჯგუფიც შეისწავლის.

ბათუმში კორონავირუსით 31 წლის ქალი გუშინ, 3 დეკემბერს გარდაიცვალა.

4 დეკემბრის მონაცემებით, ბოლო 24 საათის განმავლობაში კორონავირუსის 5 068 ახალი შემთხვევა დადასტურდა. გამოჯანმრთელდა — 2 336, ხოლო გარდაიცვალა 38 ადამიანი.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 152 704-ს, ხოლო ჯამში გამოჯანმრთელებულთა რაოდენობა გაიზარდა 126 904-მდე. 2020 წლის 26 თებერვლიდან დღემდე სულ გვაქვს 1 425 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: