დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, მსოფლიო ჯერ არ შეთანხმებულა, დასჭირდება თუ არა კოვიდგადატანილს ვაქცინის გაკეთება. ამის შესახებ მას საკოორდინაციო საბჭოს წევრების ბრიფინგზე ისაუბრა.

"ჯერ-ჯერობით არ არის გადაწყვეტილი. არის ხალხი, ვინც ემხრობა იმ მიმართულებას, რომ უნდა აიცრან, მაგრამ არის ხალხი, რომლებიც მიუთითებენ, რომ როდესაც ასეთი მასობრივი იმუნიზაცია მიმდინარეობს, იმ დროს გარჩევა — ვინ გადაიტანა, არ გადაიტანა ან უსიმპტომოდ გადაიტანა — რთულია. ყოველ შემთხვევაში, უმრავლესობა ემხრობა იმას, რომ თუ გადატანილი გაქვს და კიდევ გაიკეთებ, არაფერს დაგიშავებს", — განაცხადა გამყრელიძემ.

24 ნოემბერს გამყრელიძემ განაცხადა, რომ რამდენიმე ქვეყანაში კორონავირუსის ვაქცინით არჩევითი ჯგუფების ვაქცინაცია დეკემბერში დაიწყება, ხოლო ფართომასშტაბიანი ხელმისაწვდომობა ვაქცინაზე მომავალი წლის გაზაფხულიდან იქნება.

გაიგეთ მეტი: