საქართველოს საგარეო სავაჭრო ბრუნვა 2016 წელს წინა წელთან შედარებით ევროკავშირის ქვეყნებთან გაზრდილია, დსთ-ს ქვეყნებთან კი შემცირებული. ეს საქსტატის 2016 წლის წინასწარი შედეგებია.

2015 წელთან შედარებით 2016 წელს ევროკავშირის ქვეყნებთან სავაჭრო ბრუნვის მაჩვენებელი 14 პროცენტით მეტია. გასულ წელს სავაჭრო ბრუნვა 3 601 მილიონ ამერიკულ დოლარს გაუტოლდა, საიდანაც 571 მილიონი ექსპორტია, იმპორტი კი - 3 030 მილიონი. რაც იმას ნიშნავს, რომ ექსპორტმა 14 პროცენტით იკლო, იმპორტი კი 20 პროცენტით გაიზარდა.

დსთ-ის ქვეყნებთან საგარეო სავაჭრო ბრუნვა 2016 წელს 2 721 მილიონი ამერიკული დოლარი იყო, რაც წინა წლის მონაცემთან შედარებით, 3 პროცენტით ნაკლებია. დსთ-ს ქვეყნებიდან ექსპორტი 739 მილიონი იყო, იმპორტი კი 1 983 მილიონი.

საქართველოს საგარეო სავაჭრო ბრუნვაში ევროკავშირის ქვეყნების წილი 30 პროცენტია, დსთ-ის ქვეყნების წილი კი - 23 პროცენტი.