სერბეთის მართლმადიდებელი ეკლესიის პატრიარქი ირინეოსი კორონავირუსით გარდაიცვალა. ინფორმაცია ამის შესახებ ქვეყნის პრეზიდენტმა, ალექსანდრ ვუჩიჩმა გაავრცელა.

Reuters-ის ინფორმაციით, 90 წლის პატრიარქს კორონავირუსი 4 ნოემბერს დაუდასტურდა და ბელგრადის სამხედრო ჰოსპიტალში იქნა გადაყვანილი.

მას ტესტზე დადებითი პასუხი მას შემდეგ დაუფიქსირდა, რაც ერთ-ერთი გარდაცვლილი მიტროპოლიტის პანაშვიდს დაესწრო, რომელიც ასევე კორონავირუსით გარდაიცვალა.

როგორც ექიმები აცხადებენ, პატრიარქის მდგომარეობა ხუთშაბათს დილით გაუარესდა და მას ინტუბაცია დასჭირდა.

იერონიმე სერბეთის მართლმადიდებელი ეკლესიის 45-ე პატრიარქად 2010 წელს აირჩიეს. ახალ მღვდელმთავარს უახლოეს თვეებში აირჩევენ.