დღეს გირჩის ქუთაისის ოფისში მისულმა სალხინოს დედათა მონასტრის დიაკონმა, გიორგი ჯახუამ, განაცხადა, რომ შსს-ს თანამშრომლები ღამის საათებში მის სახლში სასამართლო განჩინების გარეშე შევიდნენ:

"შემოვიდნენ 17-ში, ღამით შეიარაღებული ხალხი ჩემთან, სასამართლოს ჩხრეკის ორდერი მოვთხოვე და მითხრეს, რომ არაა აუცილებელი, გადაუდებელი აუცილებლობა გვაქვს და უნდა შემოვიდეთ შენს სახლში აუცილებლად. პოლიციის უფროსმა ჩემი ანტიკვარი იარაღი, რომლითაც ბავშვები თამაშობდნენ ხოლმე, რომ დაინახა, ეს ძალიან ძველი ყოფილა, ეს რათ გინდა შენო, მითხრა, ჩაიდო ჯიბეში, კარგად იყავი შენო და მეც წინააღმდეგობა არ გავუწიე".

შსს-ში On.ge-ს განუცხადეს, გიორგი ჯახუა სასულიერო პირი არაა და მისი სახლიდან იარაღი არ ამოუღიათ. უწყების ცნობით, გამოძიება 260-ე მუხლითაა დაწყებული, რაც ნარკოტიკების უკანონო შეძენა-შენახვას გულისხმობს.

გირჩში აცხადებენ, რომ ჯახუას იურიდიულ უფლებებს დაიცავენ.