ევროპარლამენტში სამხრეთ კავკასიასთან ურთიერთობების დელეგაციის თავმჯდომარე, მარინა კალჯურანდი წერს, რომ არჩევნებთან დაკავშირებით არსებულ ყველა საჩივარს უნდა გაეცეს სამართლებრივი პასუხები.

"ყველა დასაბუთებული საჩივარი, რომელიც შეტანილია საარჩევნო კომისიაში უნდა მოგვარდეს სამართლიანი, საფუძვლიანი და მკაცრი ფორმით, კანონის შესაბამისად და უმაღლესი დემოკრატიული სტანდარტების დაცვით", — წერიან განცხადებაში.

საპარლამენტო არჩევნები საქართველოში 31 ოქტომბერს ჩატარდა. ოპოზიცია შედეგებს არ აღიარებს და ბოიკოტის რეჟიმშია — ისინი პარლამენტში არ შედიან. გუშინ საქართველოს ამერიკის სახელმწიფო მდივანი, მაიკ პომპეო ეწვია, მან ხელისუფლების წარმომადგენლებთან, სამოქალაქო სექტორთან და პატრიარქთან შეხვედრები გამართა. პარალელურად მიმდინარეობდა ოპოზიციის მდუმარე აქციაც.