საქართველოში ჩამოსვლის შემდეგ აშშ-ს სახელმწიფო მდივანმა, მაიკ პომპეო ტვიტერზე პირველი პოსტი გამოაქვეყნა და აღნიშნა, რომ თბილისში ყოფნით აღფრთოვანებულია.

"აშშ-სა და საქართველოს აქვს მტკიცე ურთიერთობა რომელიც თავისუფლებისა და დამოუკიდებლობის ჩვენს საერთო ერთგულებას ემყარება. ჩენ მზად ვართ, დავეხმაროთ საქართველოს, გააღრმავოს თავისი ევროატლანტიკური კავშირები და გააძლიეროს დემოკრატიული ინსტიტუციები", — განაცხადა მაიკ პომპეომ.

აშშ-ს სახელმწიფო მდივანი მაიკ პომპეო საქართველოში რამდენიმე საათის წინ ჩამოფრინდა. აეროპორტში პომპეოს საგარეო საქმეთა მინისტრი დავით ზალკალიანი, აშშ-ში საქართველოს ელჩი დავით ბაქრაძე და საქართველოში აშშ-ს ელჩი კელი დეგნანი დახვდნენ.

სამუშაო შეხვედრებს მაიკ პომპეო ხვალ დილიდან დაიწყებს. სახელმწიფო მდივანი შეხვდება საქართველოს პრეზიდენტს, პრემიერმინისტრსა და კათოლიკოს-პატრიარქს, ილია მეორეს. გარდა ამისა, პომპეო შეხვედრებს მესამე სექტორთანაც გამართავს.

სახელმწიფო მდივანს არ აქვს დაგეგმილი შეხვედრები ოპოზიციასთან. ოპოზიცია კი ხვალ მდუმარე აქციის გამართვას გეგმავს.

პომპეო საქართველოს ხვალ შუადღით დატოვებს.

გაიგეთ მეტი: