საგარეო საქმეთა მინისტრის, დავით ზალკალიანის განცხადებით, ამერიკის შეერთებული შტატების სახელმწიფო მდივნის, მაიკ პომპეოს ვიზიტი კიდევ ერთხელ ადასტურებს, თუ რაოდენ დიდ მნიშვენლობას ანიჭებს აშშ საქართველოსთან სტრატეგიულ პარტნიორობას. მისი თქმით, ეს პარტნიორობა, ისეთ "მაღალ ნიშნულზეა", როგორც არასდროს.

"ფაქტია, რომ საქართველო არის რეგიონში ამერიკისთვის ყველაზე ახლო მოკავშირე და ყველაზე ძლიერი დასაყრდენი. ის სტრატეგიული პარტნიორობა, რომელიც ბოლო ოთხი წლის განმავლობაში განხორციელდა ამჟამინდელ ადმინისტრაციასთან, ის კონკრეტული შედეგები და ის შეფასებები რაც გვაქვს, ყველა თანხმდება, როგორც საქართველო, ისე ამერიკული მხარე, რომ როგორც არასდროს, ისეთ მაღალ ნიშნულზეა ეს სტრატეგიული პარტნიორობა ყველა მიმართულებით. მათ შორის, თავდაცვა, უასფრთხოება, ეკონომიკური თანამშრომლობა, დემოკრატიული ინსტიტიუტების გაძლიერება, ხალხთა შორისი უსაფრთხოება", — განაცხადა ზალკალიანმა.

ამერიკის შეერთებული შტატების სახელმწიფო მდივანს, მაიკ პომპეოს ამ წუთებში ელოდებიან, ის ეწვევა და გამართავს შეხვედრებს ხელისუფლების წარმომადგენლებთან, სამოქალაქო სექტორის წარმომადგენლებთან და პატრიარქთან.