ქართული ოცნების ერთ-ერთი წევრის სოზარ სუბარის თქმით, მიხეილ სააკაშვილი ოპოზიციას პარლამენტში შესვლისთვის ხელს უშლის.

"რამდენიმე თვით ადრე მიხეილ სააკაშვილმა მართლა თავის ჭკუაზე ატრიალა ოპოზიცია დააჯინა ამ ე.წ. შალვას ფანჩატურში, სადაც მითიურ ერთობლიობაზე ლაპარაკობდა ოპოზიციურ ძალებში. მიხეილ სააკაშვილმა გაპარსა მთელი ოპოზიცია და წაიღო მთელი მათი ხმები და ახლა აბულინგებს და ეუბნება, რომ არ შევიდნენ პარლამენტში, ისინიც რატომღაც მიყვებიან ამ ადამიანს, რომელიც ვერც ჩამოსვლას ბედავს და ვერც პარლამენტში შედის. დაპირებები გასცა, რომელსაც ვერ არსრულებს", — განაცხადა სოზარ სუბარმა.

ოპოზიცია არ აღიარებს 31 ოქტომბერს ჩატარებული არჩევნების შედეგებს. სწორედ ამის გამო ისინი საპროტესტო აქციებს აწყობენ. მათი მოთხოვნა ცესკოს თავმჯდომარის, თამარ ჟვანიას გადადგომა, რიგგარეშე არჩევნების ჩატარება და პოლიტმატიმრების გათავისუფლებაა.