დონალდ ტრამპმა ტვიტერზე პოსტი გამოაქვეყნა, რომელშიც ამბობს, ბაიდენმა გაიმარჯვა იმიტომ, რომ არჩევნები გაყალბდა.

"არ დაუშვეს დამკვირვებლები. ხმები დაითვალა რადიკალურმა მემარცხენე კერძო კომპანია DOMINION-მა, მას კი ცუდი რეპუტაცია აქვს. ასევე, ცუდი აღჭურვილობა აქვს, რომლითაც ტეხასის ხმების დათვლაც ვერ მოახერხეს, სადაც მე დიდი უპირატესობით გავიმარჯვე!" — განაცხადა დონალდ ტრამპმა.

ტვიტის ბოლოს მედიასაც შეეხო და აღნიშნა, რომ ყალბი და მდუმარეა.

ამერიკის საპრეზიდენტო არჩევნები 3 ნოემბერს გაიმართა და წინასწარი მონაცემებით, დონალდ ტრამპი, დემოკრატ ჯო ბაიდენთან დამარცხდა, თუმცა, ოფიციალური შედეგები ჯერ კიდევ არ გამოქვეყნებულა. რესპუბლიკელი დამარცხებას არ აღიარებს. ჯო ბაიდენმა კი, არჩეული პრეზიდენტის რანგში ერს უკვე მიმართა.