ნაციონალური მოძრაობის წევრმა, გიორგი ბარამიძემ და ოპოზიციის სხვა წარომადგენლებმა ექს-პრეზიდენტ მიხეილ სააკაშვილის ჩამოსვლასთან და განცხადებებთან დაკავშირებით პირდაპირ ეთერში იკამათეს.. როგორც TV პირველის ეთერში, ბარამიძემ თქვა, პარტნიორმა პოლიტიკოსმა მისი პარტიის თავმჯდომარეზე არ უნდა თქვა, თავი დაგვანებოსო.

როგორც აღმოჩნდა, გიორგი ბარამიძეს არ მოეწონა პარტია მოქალაქეების ლიდერის, ალეკო ელისაშვილის განცხადება, რომ თუ სააკაშვილი ემსახურება უკრაინას, ემსახუროს, "ჩვენ თავი დაგვანებოს, ნუ ურევს ყველაფერს". ამის შესახებ მან ფეისბუქზე პოსტი გამოაქვეყნა.

მიხეილ სააკაშვილის შესახებ თემა გიორგი ბარამიძემ წამოწია, თუმცა არ დაუსახელებელია კონკრეტული პირები და პარტიები.

გიორგი ბარამიძე: ყველა აქ ვინც ზის თქვა, რომ ერთიანობა არის მნიშვნელოვანიო, ამას ვამბობ...

გიგა ბოკერია: ერთიანობა რაში გია?

ბარამიძე: ამ მიზნის მიღწევაში.

ბოკერია: კი ბატონო, და რა შუაშია მიშა?

ბარამიძე: შუაში კი არა თავშია-თქო, გეუბნები...

ბოკერია: ხო და ჩვენთვის არაა...

ბარამიძე: ჩემთვის არის და ასობით ათასი ადამიანისთვის არის. და არავის გაქვთ უფლება თქვათ, რომ არ აქვს მიშას აქ ყოფნის უფლება.

ბოკერია: ეს არის პროვოკაცია ოპოზიციის დაშლისთვის. დაანებე იმ თემას თავი, რომელიც გვყოფს, რადგან ასი ათას კაცს რომ მიშა უნდა, დანარჩენ ასი ათას კაცს არ უნდა.

გადაცემის მსვლელობისას გაირკვა, რომ ბარამიძე ალეკო ელისაშვილის განაცხადებით იყო უკმაყოფილო, რომელზეც ფეისბუქზე დაწერა:

"ალეკო, აი ახლა შენ შარზე თუ არ ხარ და ოპოზიციის ერთიანობის დარღვევას ხელოვნურად არ ცდილობ, ეს სისულელე როგორ უნდა გეთქვა?"

რეაქციას ეთერში, ალეკო ელისაშვილმა კიდევ ერთხელ თქვა, რომ სააკაშვილი ან უნდა ჩამოვიდეს ან თავი დაგვანებოს.

ბარამიძე: რას ჰქვია თავი დაგვანებოს?

ელისაშვილი: აი, ეგრე უნდა დაგვანებოს. ან ჩამოვიდეს, ან თავი დაგვანებოს. ჩემთვის შენთან ყოფნა არის ძალიან დიდი დისკომფორტი, უბრალოდ სხვა მიზანია დიდი.

ბარამიძე: თუ მაგ სიტყვას ფასი აქვს, მაშინ ეგეთი რაღაცები არ უნდა ილაპარაკო.

ელისაშვილი: ფასი აქვს, ხო...

ბარამიძე: მაშინ ეგრე არ უნდა ილაპარაკო...

ელისაშვილი: იმან არ უნდა ილაპარაკოს. თუ აქვს შნო, ჩამოვიდეს...

ბარამიძე: მიშას რომ შნო აქვს, ნეტავ იმის ნახევარი და მეასე ნაწილი ჰქონდეს ნებისმიერს აქა.

ევროპული საქართველოს ლიდერი, გიგა ბოკერია ამბობს, რომ მიშა სააკაშვილის თემის წამოწევით განხეთქილება ჩნდება.

"ასჯერ ვუთხარით, რომ რაც უნდა ის ქნას. დევნილად მიმაჩნია, თუ უნდა, გარისკოს და ჩამოვიდეს როგორც სხვებმა გარისკეს, ან გაჩუმდეს, ან ჩამოვიდეს. [...] თემა შემოგაქვს, რომელზეც ერთიანობა არ არის", — თქვა ბოკერიამ.

მიხეილ სააკაშვილმა თავისი ჩამოსვლა კიდევ ერთხელ დააანონსა. მორიგი ვიდეომიმართვის დროს, მან კიდევ ერთხელ თქვა, რომ ქვეყანაში ჩამოსვლას პირებს, ამჯერადაც ზუსტი თარიღი არ დაუსახელებია, თუმცა მოქალაქეებს მობილიზაციისკენ მოუწოდა.

ამავე თემაზე: