გირჩის ლიდერი, ზურაბ ჯაფარიძე ამბობს, რომ ექს-პრეზიდენტ მიხეილ სააკაშვილს შეუძლია ქვეყანაში დაბრუნება, თუ ამის სურვილი აქვს.

მიხეილ სააკაშვილმა თავისი მიმართვის დროს თქვა, რომ მისმა მხარდამჭერებმა ხელი უნდა გაანძრიონ, რათა ის ჩამოვიდეს. ჟურნალისტმა ჯაფარიძეს ჰკითხა, რამდენად სჭირდება მას სააკაშვილის ჩამოსვლა და რის გაკეთებას აპირებს ამისთვის.

"მე არაფერში არ მჭირდება, თუ უნდა, შეუძლია ჩამოვიდეს. არაერთხელ გვაქვს მოსმენილი განცხადებები, რომ ჩამოვალ, ახლა ჩამოვალ... თუ უნდა ჩამოვიდეს, რა..." — განაცხადა ჯაფარიძემ ჟურნალისტებთან.

მიხეილ სააკაშვილმა თავისი ჩამოსვლა კიდევ ერთხელ დააანონსა. მორიგი ვიდეომიმართვის დროს, მან კიდევ ერთხელ თქვა, რომ ქვეყანაში ჩამოსვლას პირებს, ამჯერადაც ზუსტი თარიღი არ დაუსახელებია, თუმცა მოქალაქეებს მობილიზაციისკენ მოუწოდა.