2017 წლის სექტემბერში ეკრანზე 2001 წლის 11 სექტემბერს მომხდარ ტერაქტზე გადაღებული ახალი ფილმი ცხრა თერთმეტი გამოვა.

ფილმი პატრიკ კარსონის პიესის, ლიფტის მიხედვით შეიქმნება, სადაც ისტორიის ეპიცენტრში ხუთი ადამიანია, რომლებიც ერთად მუშაობდნენ და ტერაქტის დროს მსოფლიო სავაჭრო ცენტრის ლიფტში გაიჭედნენ.

ფილმი მაყურებელს კიდევ ერთხელ შეახსენებს ტერორიზმის საფრთხეებს. სიუჟეტს ლაიტმოტივად გასდევს ადამიანების იმედი და ბრძოლა გადარჩენისთვის.

ცხრა თერთმეტში მონაწილეობას ვუპი გოლდბერგი, ჩარლი შინი, ჟაკლინ ბისე, ჯინა გერშონი და ვუდ ჰარისი მიიღებენ.