ეუთოს სადამკვირვებლო მისიის წარმომადგენლები საქართველოში მიმდინარე მოვლენებთან დაკავშირებით აქციის მონაწილეებს მოუწოდებენ, თავი შეიკავონ ძალადობისგან, ხოლო მთავრობას — პატივი სცენ შეკრებისა და გამოხატვის ფუნდამენტურ უფლებებს. განცხადებები ეუთოს მოკლევადიანი საარჩევნო მისიის ხელმძღვანელმა ელონა გებრეა ხოჯესმა და ეუთოს საპარალამენტო ასამბლეის ხელმძღვანელმა, პია კაუმამ გააკეთეს.

როგორც ხოჯესი ამბობს, იგი შეშფოთებით ადევნებს თვალს ბოლოდროინდელ აქციებს.

"მივესალმები ადამიანებს, რომლებიც გამოხატვის თავისუფლებით სარგებლობენ, თუმცა ძალადობასთან შეგუება არ შეიძლება. მოვუწოდებ მშვიდობიანი პროტესტისკენ. ამავე დროს, მინდა ხაზგასმით ვთქვა, რომ პოლიციამ დემონსტრანტების მიმართ რეაგირების დროს თავშეკავება უნდა გამოიჩინოს, მთავრობამ მოუსმინოს დემონსტრანტებს და პატივი სცეს ფუნდამენტურ თავისუფლებებს", — აცხადებს ხოჯესი.

პია კაუმამ ყველა აქტორს მოუწოდა, კონსტრუქციულ დიალოგში ჩაერთონ, რათა არსებული პოლარიზება დაიძლიოს და სტაბილური პოლიტიკური ჩარჩოები შეიქმნას.

"ამასთან, ყურადღება მიაქციონ საერთაშორისო პარტნიორების გზავნილებს. გამოვხატო ჩემი მხარდაჭერა ცენტრალური საარჩევნო კომისიის მიმართ არჩევნების სავარაუდო დარღვევებზე ინკლუზიური პროცესით რეაგირებისთვის".

გენერალური მდივანი, რობერტო მონტელა იმედს გამოთქვამს, რომ ყველა დაინტერესებული მხარე მაქსიმალურ თავშეკავებას, პასუხისმგებლობის გრძნობასა და პასუხისმგებლობას გამოიჩენენ.