დღეს, 7 ნოემბერს, ბათუმში, ხოფას ბაზრობაზე ოპოზიციის წარმომადგენლებს თავს დაესხნენ. ამის შესახებ ინფორმაცია თავდაპირველად Batumelebi-მა გაავრცელა.

შემთხვევა მაშინ მოხდა, როდესაც ოპოზიციის წარმომადგენლები აქციაზე ფლაერებს არიგებდნენ და მოსახლეობას კვირას, 8 ნოემბერს დანიშნულ აქციაში მონაწილეობისკენ მოუწოდებდნენ.

ფაქტის ამსახველი ვიდეომასალა ლელომ ფეისბუქგვერზე გაავრცელა:

როგორც შინაგან საქმეთა სამინისტროში On.ge-ს განუცხადეს, მომხდარზე გამოძიება სისხლის სამართლის კოდექსის 126-ე მუხლით არის დაწყებული, რაც ძალადობას გულისხმობს.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი კვირას, 8 ნოემბერს პარლამენტის შენობასთან, რუსთაველის გამზირზე. ისინი ხელახალი არჩევნების ჩატარებას მოითხოვენ.