გირჩის ერთ-ერთი ლიდერის, იაგო ხვიჩიას თქმით, მას და მის პარტიას მიხეილ სააკაშვილი არ მართავს. ასე უპასუხა ხვიჩიამ დღის თემის ჟურნალისტის კითხვას, იმყოფებიან თუ არა პატარა პოლიტიკური პარტიები ნაციონალური მოძრაობის ქოლგის ქვეშ.

"კითხვა მდგომარეობს იმაში, გვმართავს თუ არა მიხეილ სააკაშვილი მე და ჩემს პარტიას? — არა, დედას ვფიცავარ, არ გვმართავს. მე მხოლოდ შემიძლია ვთქვა საკუთარ პარტიაზე და ჩემს მეგობრებზე, ასევე, შემიძლია ვთქვა, არანაირი საფუძველი არ მაქვს ეჭვის პოლიტიკური სპექტრის რამდენიმე ადამიანზე, რომ ვინმე მართავს, მაგრამ მე მთელ პოლიტიკურ სპექტრზე ვერ ავიღებ გარანტიას, ვინ ვისგან იმართება", — თქვა ხვიჩიამ.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი კვირას, 8 ნოემბერს პარლამენტის შენობასთან, რუსთაველის გამზირზე. ისინი ხელახალი არჩევნების ჩატარებას მოითხოვენ.