დღეიდან ვარკეთილის, ახმეტელის თეატრის, დიდუბისა და სადგურის მოედნის მეტროსადგურებზე პიკის საათებში მგზავრთა ნაკადის კონტროლი დაიწყო. ინფორმაცია ამის შესახებ თბილისის მერიამ გაავრცელა.

"თბილისის რამდენიმე მეტროსადგურში პიკის საათებში მგზავრთა ნაკადების
მართვა სპეციალური გამყოფი ბარიერებისა და ზიგზაგების საშუალებით მოხდება. პირველ ეტაპზე, 4 მეტროსადგური შეირჩა, სადაც უფრო მეტია მგზავრთა ნაკადი", — განაცხადა თბილისის სატრანსპორტო კომპანიის მედიასთან ურთიერთობის მენეჯერმა, თამაზ რობაქიძემ.

თბილისის სატრანსპორტო კომპანია მგზავრებს მოუწოდებს, დაიცვან 2-მეტრიანი დისტანცია მეტროსადგურების შესასვლელებში.