აშშ-ს პრეზიდენტის, დონალდ ტრამპის კიდევ ერთი საარჩევნო პოსტი ტვიტერმა "შეცდომაში შემყვანად" მონიშნა. მისი მორიგი განცხადება ისევ ხმების დათვლას ეხება.

"წინა ღამით მნიშვნელოვნად ვლიდერობდი ბევრ გადამწყვეტ შტატში, რომელიც თითქმის ყველა დონეზე დემოკრატების მიერ იმართება და კონტროლდება. შემდეგ ერთი მეორეს მიყოლებით ჯადოსნურად გაქრობა დაიწყეს, როცა გაუთვალისწინებელი ბიულეტენების დათვლა დაიწყო. ეს ძალიან უცნაურია და საზოგადოებრივი აზრის კვლევები აბსოლუტურად და ისტორიულად შეცდნენ!" — დაწერა ტრამპმა.

ტრამპს აქამდე უკვე გამოუხატავს თავისი უკმაყოფილება ფოსტით ხმის მიცემასთან დაკავშირებით. წინა განცხადებაში მან ფოსტით მიღებული ხმების დათვლის შეჩერება მოითხოვა.

აშშ არჩევნებთან დაკავშირებულ სიახლეებს LIVE რეჟიმში გაეცანით აქ. ასევე, ადევნეთ თვალი On.ge-ს ინტერაქტიულ რუკას.