ევროპული საქართველოს ერთ-ერთი ლიდერის, გიგა ბოკერიას თქმით, ფოთში, სავარაუდოდ, მეორე ტურში მათი პარტია მხარს დაუჭერს ყველას, ვინც ივანიშვილის კანდიდატის წინააღმდეგ იბრძოლებს.

"სამწუხაროდ, საბოლოო ფაქტობრივი შედეგი მანდატების გადანაწილებით გადაწყდება მეორე ტურში, ეს ფაქტია. დიდი ალბათობით, ფოთში, ხობსა და სენაკში იქნება მეორე ტური და დიდი ალბათობით, ამ მეორე ტურში ქართული ოცნების კანდიდატ ხახუბიასთან ერთად იქნება ჩემი კონკურენტი, ბატონი ზოდელავა. და მე ისევე როგორც ყველგან საქართველოში, ევროპული საქართველო ყოველთვის მოუწოდებს ჩვენს ამომრჩეველს იმას, რომ ხმა მისცენ ივანიშვილის კანდიდატის წინააღმდეგ", — განაცხადა ბოკერიამ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: