ამერიკელი კონგრესმენის, ადამ კინზინგერის თქმით, თავისუფალ და სამართლიან არჩევნებში გაყალბების, დაშინების ან ხმების მოსყიდვის ადგილი არ არის. აშშ-ს კონგრესის წარმომადგენლობითი პალატის საქართველოსთან თანამშრომლობის ჯგუფის თანათავმჯდომარემ ამის შესახებ ტვიტერზე დაწერა.

"ვაკვირდები ჩვენი მოკავშირე საქართველოს არჩევნებს. მოვუწოდებ ყველას მისცენ ხმა, შეინარჩუნონ სიმშვიდე, დაე იმუშავოს პროცესმა. თავისუფალ და სამართლიან არჩევნებში გაყალბების, დაშინების ან ხმების მოსყიდვის ადგილი არ არის. ჩვენი ქვეყნები ძლიერები და ერთიანები არიან და ამერიკას საქართველოს იმედი აქვს", — წერს ის ტვიტერზე.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: