საგარეო საქმეთა მინისტრი, დავით ზალკალიანი განმარტავს, რატომ ვერ ტარდება აზერბაიჯანსა და საბერძნეთის ქალაქ სალონიკში არჩევნები საქართველოს მოქალაქეებისთვის. მისი თქმით, გამომდინარე იქიდან, რომ აზერბაიჯანში საომარი მოქმედებებია, ქართველი ემიგრანტებისთვის საარჩევნო უბნები ვერ გახსნეს, ხოლო თესალონიკში ეპიდემიოლოგიური ვითარების გამო, ვეღარ ხერხდება უბნების გახსნა.

"38 ქვეყანაში გაიხსნა 52 საარჩევნო უბანი. ყველა ქვეყანას პანდემისათან დაკავშირებით, აქვს შესაბამისი რეგულაციები. ბუნებრივია, მიუხედავად იმისა, რა ურთიერთობა გვაქვს ამ ქვეყნებთან, ვემორჩილებით მათ პროტოკოლებს. ორი ქვეყნიდან გვაქვს ასეთი შეტყობინება, ეს არის აზერბაიჯანი და საბერძნეთი, თესალონიკი. თესალონიკში სრული ლოქდაუინია, წითელ ზონადაა ქალაქი გამოცხადებული და არ მოგვცეს უფლება, რომ გახსნილიყო საარჩევნო უბნები. ათენში გახსნილია და შეუძლიათ მოქალქეებს გააკეთონ არჩევანი. რაც შეეხება აზრებაიჯანს, საომარი მოქმედებებიდან გამომდინარე, შეტყობინებაა შემოსული, რომ არ იქნება შესაძლებლობა, გაიხსნას საარჩევნო უბნები", — აცხადებს ზალკალიანი.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: