ჰოლივუდის დიდების ხეივანს 2017 წელს უკვე ორი ვარსკვლავი შეემატა. ვაიოლა დევისის შემდეგ ჯერი ემი ადამსზე მიდგა.

ემი ადამსი ამჟამად ერთ-ერთი ყველაზე პოპულარული ამერიკელი მსახიობია. მან 2014 და 2015 წლებში ზედიზედ მიიღო ოქროს გლობუსის ჯილდოები. ახალი ფილმისთვის Arrival კი თითქმის ყველა პრესტიჟულ ჯილდოზეა ნომინირებული, მათ შორის არის BAFTA. ღონისძიება წელს 12 თებერვალს გაიმართება.

აღსანიშნავია ისიც, რომ ემი ადამსი 5-ჯერ იყო ნომინირებული ამერიკის კინოაკადემიის უმაღლეს ჯილდოზე - ოსკარზე. ვნახოთ, გაუმართლებთ თუ არა წელს ვარსკვლავებს, რომელთაც ჯერ არ აქვთ ვარსკვლავი დიდების ხეივანში.