სიღნაღის რაიონის სოფელ ნუკრიანში საზოგადოებრივი ცენტრი დაზიანდა. ამ დროისთვის უცნობია, რა გახდა დაზიანების მიზეზი, შეგნებულად ჩადენილი დანაშაული თუ გაუფრთხილებლობით მომხდარი ფაქტი.

არსებული ინფორმაციით, ჩამოვარდნილია შენობის ჭერი და კარი. ასევე, დაზიანებულია, შენობაში მდებარე ბანკომატი.

შინაგან საქმეთა სამინისტროს ინფორმაციით, საქმეზე გამოძიება საქართველოს სისხლის სამართლის კოდექსის 187-ე მუხლით დაიწყო, რაც ნივთის დაზიანება ან განადგურებას გულისხმობს.