დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პრემიერმინისტრი გიორგი გახარიას განცხადებით, გამოჯანმრთელებული მოქალაქეების ზრდა ფრთხილი ოპტიმიზმის საფუძველს იძლევა. ბოლო 24 საათში კორონავირუსისგან 2 ათასზე მეტი ადამიანი გამოჯანმრთელდა.

გახარიას თქმით, პროცესი სრულად მართვადია, ეფექტურად მუშაობს კლინიკური მართვის ახალი მოდელი და ექიმები ყველაფერს აკეთებენ იმისთვის, ეს პროცესი შეუფერხებლად მართონ.

"დღეს ფრთხილი ოპტიმიზმის საფუძველს გვაძლევს ჩვენი გამოჯანმრთელებული მოქალაქეების რაოდენობის ზრდა. დღეს, ამ ციფრმა 2 000-ს გადააჭარბა", — აღნიშნა პრემიერ-მინისტრმა.

როგორც გიორგი გახარიამ აღნიშნა, წერტილოვანი შეზღუდვების სტრატეგია გრძელდება და აქვე ხაზი გაუსვა, რომ პირდაპირი კავშირია პირბადის ეფექტურ ტარებასა და წერტილოვანი შეზღუდვების საჭიროებასთან.

28 ოქტომბერს საქართველოში კორონავირუსის 1 731 ახალი შემთხვევა გამოვლინდა, გარდაიცვალა — 15. პანდემიის დაწყების დღიდან კი ჯამში 33 858 შემთხვევა დაფიქსირდა, მათ შორის, 14 829 გამოჯანმრთელდა, ხოლო 253 გარდაიცვალა. ამ დროისთვის, კარანტინის რეჟიმში იმყოფება 3 507, სტაციონარში მეთვალყურეობის ქვეშ — 4 022, ხოლო კოვიდ სასტუმროებში — 2 344.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: