პრემიერმინისტერმა გიორგი კვირიკაშვილმა მთავრობის სხდომის შემდეგ ჟურნალისტებთან განმარტება გააკეთა თავისივე განცხადებაზე, რომელიც კაფე-ბარებში ადგილობრივი კაცების არშეშვების შეეხებოდა.

კვირიკაშვილის თქმით, არასწორი ინტერპტერაციაა ის, რომ თითქოს ის ზრუნავს კაცების ბარებში შეშვებაზე. როგორც თავად განმარტავს, ძირითადი პრობლემა პროსტიტუციაა, რომელშიც, მისი ინფორმაციით, არასრულწლოვნები არიან ჩართულები:

"ინტერპრეტირება მოხდა თითქოს მე ვზრუნავ იმაზე, რომ ქართველი კაცები შეუშვან ღამის კლუბებში. პრობლემა იმისა, რომ იქ არ უშვებენ ქართველ კაცებს, არის ის, რომ იქ ქართველ არასწრულწლოვან გოგოებს პროსტიტუციაში რთავენ. არცერთი ქართველი კაცი არ მოითმენს იმას, რაც იქ ხდება და სწორედ ამიტომ არ უშვებენ ქართველ კაცებს ამ კლუბებში. ეს არის ის მწარე რეალობა რომელშიც ჩვენ ვართ. ამის წინააღმდეგ ზომების მიღება დავავალე შს მინისტრს, ასევე, ადამიანის უფლებათა დაცვის კუთხით ჩემს მრჩეველს, სოფო ჯაფარიძეს, ვინაიდან შესაძლოა ანტიდისკრიმინაციული კანონმდებლობა ირღვეოდეს".

პრემიერმინისტრმა გიორგი კვირიკაშვილმა დღეს, 11 იანვრის მთავრობის სხდომაზე, შინაგან საქმეთა მინისტრს დაავალა, გაარკვიოს, თუ რატომ არ უშვებენ ზოგ კაფე-ბარში საქართველოს მოქალაქე კაცებს.

პრემიერის ინფორმაციით, კერძოდ, რესპუბლიკის მოედნის ქვემოთ მდებარე ბარებში, ქართველ კაცებს არ უშვებენ, ხოლო ქალებს შესვლის პრობლემა არ აქვთ. მისი განცხადებით, ამ მხრივ, დისკრიმინაციული მიდგომა არსებობს.