ლელოს თავმჯდომარე, მამუკა ხაზარაძე საკუთარ ფეისბუქ გვერდზე განცხადებას ავრცელებს და საზოგადოებას ბრძოლისა და გაერთიანებისკენ მოუწოდებს. მისი თქმით, ერთ ხმას არასდროს ჰქონია ისეთი დიდი მნიშვნელობა, როგორც ახლა.

"ერთ ხმას არასდროს ჰქონია ასეთი დიდი მნიშვნელობა ჩვენი ქვეყნის ისტორიაში, რადგან შეიძლება, სწორედ ერთმა ხმამ გადაწყვიტოს ჩვენი ქვეყნის ბედი. შეიძლება, სწორედ ერთმა და სწორედ შენმა ხმამ განსაზღვროს შენი, შენი შვილებისა და ოჯახის მომავალი.

ძალიან მაღალია დღეს შენი ხმის ფასი, ამიტომ ნუ წახვალ არჩევნებზე მარტო. სადაც არ უნდა იყო — სოფლად თუ ქალაქად, წამოიყვანე არჩევნებზე კიდევ ერთი ადამიანი, რომ ჩვენ თავად გადავწყვიტოთ, როგორი იქნება ჩვენი ხვალინდელი დღე! ჩვენ უნდა დავძრათ საქართველო გამარჯვებისკენ", — წერს ხაზარაძე.

ხაზარაძის თქმით, მიუხედავად იმისა, რომ კორონავირუსი დაუდასტურდა და მკურნალობას იზოლაციაში გადის, აქტიურადაა ჩართული წინასაარჩევო პროცესში.