ევროპული საქართველოს მაჟორიტარი დეპუტატობის კანდიდატი რუსთავსა და გარდაბანში, ირმა ნადირაშვილი, ზუგდიდში გავითარებულ მოვლენებსა და დამძიმებულ კრიმინოგენულ ვითარებაზე საუბრობს.

ნადირაშვილის თქმით, ქვეყანაში სტატისტიკითაც კი ჩანს, რომ კრიმინალური ვითარება დამძიმებულია. იგი აღნიშნავს, რომ ეს არის ყველაზე მთავარი ნიშანი იმისა, რომ 31 ოქტომბერს ქართული ოცნება დამთავრდეს.

"არანაირი შემცირება კრიმინალის, სტატისტიკითაც არ იკვეთება. დაკორექტირებულ სტატისტიკაშიც ჩანს, რომ კრიმინალური ვითარება არის დამძიმებული. საუბარი, რომ კრიმინალი მხოლოდ ტელევიზიებში გაიზარდა და სინამდვილეში ვითარება არის მშვიდი, ერთადერთ ამბავზე მიუთითებს — ქართული ოცნება ცხოვრობს სხვა საქართველოში და ჩვენ ყველა დანარჩენი ვცხოვრობთ სხვა საქართველოში, სადაც ადამიანებს აჰყავთ მძევლები, მათ სახელმწიფო აჯილდოვებს ფულით და სამშვიდობოზე უშვებს. ამის შემდეგ, უკვე მეორე დღეს, აყაჩაღებენ ბანკის ინკასატორს. ადამიანებისთვის არ არის მშვიდი გარემო შექმნილი და ეს არის ჩაფლავებული მთავრობის მენეჯმენტი. ეს არის ყველაზე მთავარი ნიშანი, რომ 31 ოქტომბერს ქართული ოცნება უნდა დამთავრდეს", — განაცხადა ნადირაშილმა.