დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, საქართველო, ალბათ, მალე გადავა იმ რეჟიმში, როცა ყველა მომდევნო რიცხვი შეიძლება რეკორდული იყოს. მისივე თქმით, ეს არის მოლოდინი.

"სწორედ ამიტომაც ვცდილობთ ღია კომუნიკაციას მოსახლეობასთან, რათა ეს შემთხვევითობა არ იყოს და შესაბამისად, მოსახლეობაში ზედმეტი მღელვარება არ გამოიწვიოს", — განაცხადა ტიკარაძემ მთავრობის ადმინისტრაციაში გამართული საკოორდინაციო საბჭოს სხდომის დასრულების შემდეგ.

23 ოქტომბრის მონაცემებით, საქართველოში კორონავირუსის 1 759 ახალი შემთხვევა გამოვლინდა. ამასთან 350 ადამიანი გამოჯანმრთელდა, ხოლო 5 გარდაიცვალა.

პანდემიის დაწყების დღიდან ქვეყანაში კორონავირუსის 24 562 შემთხვევა დაფიქსირდა. კარანტინის რეჟიმშია 4 408 ადამინია, სტაციონარში მეთვალყურეობის ქვეშ — 3 155, კოვიდ სასტუმროში იმყოფება 848 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: