საერთაშორისო გამჭვირვალობა — საქართველოს განცხადებით, ცესკოს მიერ მიღებულ დადგენილების მიღების პროცესთან შესახებ, რომლითაც სტაციონარებსა და იზოლაციაში მყოფების არჩევნების მონაწილეობის საკითხი მოწესრიგდა, გარკვეული შენიშვნები არსებობს.

ორგანიზაციაში აცხადებენ, რომ აღმასრულებელ და საკანონმდებლო ხელისუფლებას ჯერ კიდევ მაისში მოუწოდებდნენ ცესკოსთან ერთად დროულად მიეღოთ სესაბამისი წესები, რაც არჩევნების მაქსიმალურად უსაფრთხო გარემოში ჩატარებას გახდიდა შესაძლებელს, ცესკომ კი დადგენილებაზე მუშაობის პროცესი ოქტომბრის დასაწყისში დაიწყო. მათივე თქმით, ჩვეულებრივ უბნებში ხმის მიცემის უსაფრთხოდ ჩატარების პროცესს, ამ საკითხზე დადგენილებაზე მუშაობა ცესკომ სექტემბერში დაიწყო.

TI-ს განცხადებით, დადგენილების პროექტი სამუშაო ჯგუფის ბოლო შეკრების შემდეგ მნიშვნელოვნად შეიცვალა და ცვლილებებზე მსჯელობის შესაძლებლობა ჩართულ მხარეებს არ ჰქონიათ. მათივე თქმით, ცენტრალურმა საარჩევნო კომისიამ შეხვედრაში მონაწილე პირებს არაადეკვატურად მცირე დრო განუსაზღვრა შენიშვნების წარმოსადგენად და დადგენილება იმავე დღეს მნიშვნელოვანი შენიშვნების გათვალისწინების გარეშე მიიღო.