ევროპული საქართველოს საარჩევნო შტაბის ხელმძღვანელი, სერგი კაპანაძე, აშშ-ს იუსტიციის დეპარტამენტის მიერ „გრუ"-ს #74455 სამხედრო ერთეულის 6 მონაწილის გამოვლენას ეხმაურება, რომელიც ჩართული იყო რამდენიმე კიბერშეტევაში, მათ შორის საქართველოს წინააღმდეგ განხორციელებულ კიბერთავდასხმაშიც. კაპანაძის თქმით, ამერიკის შეერთებული შტატები მის საარჩევნო პროცესებში ჩარევას რუსეთის მხრიდან ეკიდება სერიოზულად, განხვავებით საქართველოს ხელისუფლებისაგან, რომელიც მთელ თავის უსაფრთხოებასთან დაკავშირებულ რესურსებს პოლიტიკური ოპონენტების დევნაზე ხარჯავს.

"ის, რომ ამერიკის შეერთებულმა შტატებმა ბრალი წაუყენა რუს ოფიცრებს კიბერ-თავდასხმების გამო, აშკარად მეტყველებს იმაზე, რომ აშშ-ში მათ საარჩევნო პროცესში ჩარევას და ზოგადად, რუსეთის მხრიდან პოლიტიკურ პროცესებში ჩარებას ეკიდებიან სერიოზულად, იძიებენ ამ საქმეს და შემდეგ უნდათ, რომ დასაჯონ ის ადამიანები, რომლებიც ამაში მონაწილეობენ, განხვავებით საქართველოს ხელისუფლებისაგან, რომელით თავის რესურსს იმაზე კიარ ხარჯავს, რომ ასეთი ტიპის ჩარევა აღმოაჩინოს, რუსეთის გრუ-ს წარმომადგენლებს ბრალი წაუყენოს ან გამოიძიოს მსგავსი საქმეები, არამედ მთელ თავის უსაფრთხოებასთან დაკავშირებულ რესურსებს ხარჯავს პოლიტიკური ოპონენტების დევნაზე.

ეს არის განხვავება უპასუხისმგებლო ხელისუფლებასა და პასუხისმგებლობის გრძნობის მქონე ხელისუფლებას შორის. ერთ-ერთი მთავარი რაც მოხდება არჩევნებში ივანიშვილის დამარცხების შემდეგ, როცა გარდამტეხი ცვლილებები დაიწყება, იქნება სწორედ ეს, ბრძოლა რუსეთის სპეც-სამსახურების საქართველოში პოლიტიკურ, საარჩევნო თუ სხვა პროცესებში ჩარევის წინააღმდეგ", — განაცხადა კაპანაძემ.