მართლმადიდებელი მოქალაქეების ნაწილმა დღეს, 17 მაისს, თბილისში, "ოჯახის სიმტკიცის დასაცავად" ვარდების მოედნიდან სამების მიმართულებით ხატებით მსვლელობა მოაწყო. მსვლელობაში სასულიერო პირებთან ერთად მონაწილეობს ბიზნესმენი ლევან ვასაძეც.

17 მაისი მსოფლიოში ჰომოფობიასთან და ტრანსფობიასთან ბრძოლის საერთაშორისო დღეა, თუმცა ქართველი ლგბტ აქტივისტები მშვიდობიან დემონტრაციას, უსაფრთხოებასთან დაკავშირებული მაღალი რისკებიდან გამომდინარე, ვერ ატარებენ.

მას შემდეგ, რაც 2013 წლის 17 მაისს მართლმადიდებელმა სასულიერო პირებმა ლგბტ აქტივისტებს თბილისში, თავისუფლების მოედანზე არ მისცეს ამ დღის აღნიშვნის უფლება და აქცია დაარბიეს, 2014 წელს, საქართველოს მართლმადიდებელი ეკლესიის კათალიკოს პატრიარქმა ილია მეორემ 17 მაისი ოჯახის სიმტკიცის დაცვის დღედ გამოაცხადა. სწორედ მას შემდეგ, ამ დღეს მართლმადიდებელი მრევლი რუსთაველის გამზირზე ხატებით მსვლელობას აწყობს სამების ტაძრისკენ. მსგავსი მსვლელობა დაგეგმილია დღეს, 2016 წლის 17 მაისსაც.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge