ევროპული საქართველოს წევრის, გიორგი კანდელაკის თქმით, პირველ ნოემბრიდან ქვეყანაში PCR ტესტით შემოსვლის შესაძლებლობის შესახებ მთავრობის გადაწყვეტილების მოტივი, ათეულ ათასობით ემიგრანტის არჩევნებამდე დაბრუნების აღკვეთა იყო.

"ევროპული საქართველოს სახელით მინდა გამოვეხმაური ეკონომიკის მინისტრის, ნათია თურნავას განცხადებას, რომ 1 ნოემბრიდან ქვეყანაში შემოსვლა შესაძლებელი იქნება PCR ტესტის წარმოდგენით და აღარ იქნება ეს დისკრიმინაციული კარანტინი და გაიზრდება რეგულაური ფრენების რაოდენობა.

ეს განცხადება, გარდა იმია, რომ სწორედ ამას ითხოვდა ევროპული საქართველო, ადასტურებს, რასაც ჩვენ ვამბობდით. აქამდე დისკრიმინაციული კარანტინის არსებობას ჰქონდა ერთადერთი მიზანი — ქვეყანაში არ დაეშვა, ამ არაფორმალური ბლოკადის გამოცხადებით, იმ საქართველოს მოქალაქეების დაბრუნება მასიურად, რომლებიც ეხლა სიძნელეების წინაშე არაინ მთელ ევროპაში და რომელთაც კორონავირუსის და ეკონომიკირი კრიზისის გამო გასჩენოდათ სამშობლოში დაბრუნების სურვილი.

ბუნებრივად ისმის კითხვა — თუკი შესაძლებელია PCR ტესტით ქვეყანაში შემოსვლა, როცა დღეში გვაქვს 1200 შემთხვევა, რატომ იყო ეს შეუძლებელი და რატომ უნდა ჩაგვეყუდებინა ათასობით ჩვენი მოქალაქე ორკვირიან იძულებით კარანტინში? პასუხი მარტივია. იმიტომ, რომ მთავრობას არ დაეშვა ათეულ ათასობით გაბრაზებული, აქედან სიღარიბის გამო, ჩაფლავებული ქართული ოცნების მიერ შექმნილი სიღარიბის გამო, ქვეყნიდან სამუშაოს საძებნელად წასული ადამიანები", — ამბობს კანდელაკი.

კანდელაკი ამბობს, რომ სწორედ ამ მიზეზით არ შეყავდა საქართველოს მთავრობას უსაფრთხო ქვეყნების სიაში საბერძნეთი და პოლონეთი, სადაც საქართველოს მრავალი მოქალაქე ცხოვრობს, მაშინ, როდესაც, იმ დროსითვის მათ 5-ჯერ უკეთესი ეპიდსიტუაცია ჰქონდათ, ვიდრე უსაფრთო ქვეყნების სიაში მყოფ საფრანგეთს.

"სწორედ ამ მიზეზით იყო გამოწვეული ის, რომ უსაფრთხო ქვეყნების სიაში ქართული ოცნების მთავრობას არ შეყავდა საბერძნეთი და პოლონეთი, მაშინ, როცა, საბერძნეთზე 5-ჯერ უარესი იმ მომენტისთვის ეპიდემიოლოგიური სურათის მქონე, საფრანგეთი იყო შესული უსაფრთხო ქვეყნების სიაში.

გარდა ამისა, ამ დისკრიმინაციულ კარანტინს თან სდევდა კოლოსალური კორუფცია, რომლის შედეგადაც ეს კონტრაქტები ერთ პირთან მოლაპარაკების გზით, ყოველგვარი ტენდერის გარეშე, აღმოჩნდებოდა ხოლმე ქართული ოცნების შემომწირველი კომპანიების თუ ინდივიდების ხელში და რეალურად, ამ სფეროში, რომლის ხელისმომწერიც იყო ქართული ოცნების პარტიული სიის ერთ-ერთი ახალი სახე, ქალბატონი ქვრივიშვილი, ამ კრიმინალზე ხელის მომწერი, რეალურად ამ სფეროში გაჩაღებული იყო წარმოუდგენელი კორუფციის დოღი.

ქვეყანა დგას გარდამტეხი ცვლილებების ზღვარზე და მთავრობა, ჩვენს ისტორიაში მეორედ, აუცილებლად შეიცვლება, ამჯერად, კოალიციური მთავრობით", — აცხადებს გიორგი კანდელაკი.