საპარლამენტო უმრავლესობის წევრმა თამაზ მეჭიაურმა დღეს დილას დაკავებულ LGBT აქტივისტები ჰომოფობიური ტერმინით მოიხსენია:

"ელჯიპიტის ვის უწოდებ, იმეებს რო თხუპნიან საპატრიარქოს ღობეებს? ეგენი ელპიბიტი? [...] ელჯიპიტი იცი ვინ არიან, შვილო? რო ერთ ადგილზე არიან და ერთ ადგილს უვლიან და თავისთვის იყენებენ როგორც უნდათ, არავინ არ უშლის მაგას მაგათ, მაგრამ ელჯიპიტი კი არ არის აი, იქ ვინც მიდიან და თხუპნიან საპატრიარქოს, ეგენი არიან პიდარასტები."

ამ ფრაზის წარმოთქმის შემდეგ, ჟურნალისტმა პარლამენტარს დამატებითი შეკითხვა დაუსვა, მას აინტერესებდა, რამდენად ეთანხმებოდა მეჭიაური მის მიმართ გამოთქმულ ბრალდებას, რომ მისი განცხადებები წარმოშობს ძალადობას მოწყვლადი ჯგუფების მიმართ.

დეპუტატმა ჟურნალისტის კითხვას არ უპასუხა, მანქანიდან გადმოვიდა და იქვე მდგარ პოლიციელს უბრძანა ჟურნალისტი იქიდან გაეყვანათ, რა დროსაც კორესპონდენტი ჰომოფობიური ტერმინით მოიხსენია.

17 მაისი თბილისში: დაკავებულია ათი LGBT აქტივისტი