დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსით კიდევ 4 ადამიანი გარდაიცვალა. ინფორმაცია ამის შესახებ StopCov-ის ვებგვერდზე განახლდა.

როგორც აჭარის ჯანდაცვის სამინისტროში აცხადებენ, სამი პაციენტი მათ რეგიონში გარდაიცვალა.

გარდაცვლილთაგან ერთ-ერთი 77 წლის ქალი იყო, რომელიც ბათუმის რესპუბლიკურ საავადმყოფოში მკურნალობდა. როგორც სამინისტროში ამბობენ, მას პნევმონია, სუნთქვის მწვავე უკმარისობა, რესპირაციული დისტრეს სინდრომი ჰქონდა, რასაც თანხმლები დაავადებები — შაქრიანი დიაბეტი, გულის უკმარისობა და თირკმლის უკმარისობა დაემატა.

მეორე პაციენტი, 77 წლის ქალი, ასევე რესპუბლიკურ საავადმყოფოში მკურნალობდა. კოვიდის დიაგნოზის გარდა მას პნევმონია, სუნთქვის მწვავე უკმარისობა, რესპირაციული დისტრეს სინდრომი, სეფისისი, თირკმლის მწვავე უკმარისობა ჰქონდა.

81 წლის კაცი კლინიკა მედცენტრში გარდაიცვალა. კორონავირუსის გარდა მას თავის ტვინის დაუზუსტებელი ინფარქტის, ორმხრივი პნევმონიის, სუნთქვის მწვავე უკმარისობისა და რესპირაციული დისტრეს სინდრომის დიაგნოზი დაუსვეს. ამას თანხმლები დაავადებებიც ერთვოდა.

17 ოქტომბრის მონაცემებით, ქვეყანაში 958 ახალი შემთხვევა გამოვლინდა, ამასთან, 214 ადამიანი გამოჯანმრთელდა.

პანდემიის დაწყების დღიდან საქართველოში ინფიცირების სულ 16 285 შემთხვევა დადასტურდა, მათგან 7 827 უკვე გამოჯანმრთელდა, ხოლო 128 გარდაიცვალა.

ამჟამად კარანტინში 5 900 ადამიანია მოთავსებული, სტაციონარში მეთვალყურეობის ქვეშ — 836, კოვიდსასტუმროში — 1388.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: