დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარის ჯანდაცვის სამინისტროში აცხადებენ, რომ ბათუმის კოვიდ სასტუმროში 41 წლის ქალი გარდაიცვალა. უწყების ცნობით, გარდაცვალების მიზეზი, სავარაუდოდ, თრომბოემბოლია. ინფორმაცია Stopcov-ზე ჯერ არ ასახულა.

"პაციენტს კორონავირუსი 10 ოტომბერს დაუდასტურდა და მისი კოვიდ სასტუმროში გადაყვანა იმავე დღეს სასწრაფო სამედიცინო დახმარების ბრიგადის მიერ მოხდა. დაავადება მიმდინარეობდა უსიმპტომოდ", — აცხადებენ სამინისტროში.

მათივე ინფორმაციით, პაციენტი სამედიცინო პერსონალის მხრიდან მუდმივი მეთვალყურეობის ქვეშ იმყოფებოდა .

15 ოქტომბერს საქართველოში კორონავირუსის 919 ახალი შემთხვევა დაფიქსირდა, გამოჯანმრთელდა — 208, გარდაიცვალა — 4.

ქვეყანაში სულ 14 440 დადასტურებული შემთხვევაა, მათგან 7 367 უკვე გამოჯანმრთელდა, გარდაიცვალა — 113.

ამ დროისთვის კარანტინის რეჟიმში 5 792 ადამიანი იმყოფება, სტაციონარში მეთვალყურეობის ქვეშ — 836, კოვიდ სასტუმროში 1 042 პირი მკურნალობს.