დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის თქმით, აჭარაში სერიოზული სტაბილიზაციის შედეგები შეინიშნება. ამის შესახებ მან საკოორდინაციო საბჭოს დასრულების შემდეგ გამართულ ბრიფინგზე ისაუბრა.

"ბოლო ერთი თვის განმავლობაში ქვეყანაში ყველაზე ცხელი წერტილი იყო აჭარა, სადაც მუდმივად ფიქსირდებოდა მაღალი მაჩვენებელი. აჭარაში თანდათან არის ნიშნები სერიოზული სტაბილიზაციისკენ. დღევანდელი 680 შემთხვევიდან, 189 არის აჭარაში, რომელმაც საერთო ინფიცირების 28%, ბოლო ერთი თვის განმავლობაში აჭარაზე მოდიოდა 65%-70% ინფიცირებისა, მაგრამ ინფექცია გამოვიდა აჭარის გარეთ", — განაცხადა გამყრელიძემ.

14 ოქტომბერს საქართველოში კორონავირუსის 680 ახალი შემთხვევა დაფიქსირდა. გამოჯანმრთელდა — 292, გარდაიცვალა 7 ადამიანი.

ჯამში საქართველოში კორონავირუსის სულ 13 521 შემთხვევაა დადასტურებული. აქედან, 7 159 ადამიანი უკვე გამოჯანმრთელდა. კორონავირუსით სულ 109 გარდაიცვალა.

ამ დროისთვის კარანტინის რეჟიმში 5590 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1393 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: