ტელეკომპანია ფორმულას დაკვეთით ჩატარებული Edison Research-ის კვლევის მიხედვით, კითხვაზე, "მომავალი საპარლამენტო არჩევნების შედეგად, გსურთ, რომ მმართველი პარტია ქართული ოცნება დარჩეს უმრავლესობაში თუ გირჩევნიათ, რომ ახალი პარტია(ები) იხილოთ პარლამენტის მმართველის როლში?" მოსახლეობის 36%-ს სურს, რომ ქართული ოცნება დარჩეს უმრავლესობაში, ხოლო 54%-ს კი ახალი პარტიები პარლამენტის მმართველის როლში.

ფოტო: კადრი ვიდეოდან/ფორმულა

ფორმულას ინფორმაციით, საზოგადოებრივი აზრის გამოკითხვა 17 სექტემბერი — 7 ოქტომბრის პერიოდში, პირისპირ გამოკითხვის მეთოდით ჩაატარა. კვლევის ფარგლებში ქვეყნის მასშტაბით (გარდა ოკუპირებული ტერიტორიებისა) შემთხვევითი შერჩევის ტიპით გამოიკითხა საქართველოში მცხოვრები საარჩევნო უფლების მქონე 18 წლისა და მეტი ასაკის 4 500 ადამიანი. შედეგების ცდომილება + - 1,5%-ია.