დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 14

ინფექციური საავადმყოფოს დირექტორის, თენგიზ ცერცვაძის თქმით, საქართველოში მონოკლონური ანტისხეულებისა და რემდესივირის შემოტანის შემდეგ, მოქალაქეები უმაღლესი სტანდარტის მკურნალობას მიიღებენ, რომელიც მან "ტრამპის სტანდარტს" შეადარა.

ცერცვაძემ განმარტა, რომ რემდესივირი საქართველოში ორი-სამ კვირაში ჩამოვა. ეს ექსპერიმენტული პრეპარატია, რომელიც მძიმე და კრიტიკულად მძიმე კოვიდინფიცირებული პაციენტების მკურნალობისთვის გამოიყენება. ამასთან, როგორც ცერცვაძე ამბობს, შორეულ მომავალში ხელმისაწვდომი იქნება მოკონლონური ანტისხეულებიც, რომლის კვლევაში საქართველო ენტონი ფაუჩისა და იენ სლუნდერნის რეკომენდაციით ჩაერთო.

"მოკლედ რომ ვთქვა, საქართველოში რიგითი მოქალაქე ტრამპის სტანდარტით იქნება უზრუნველყოფილი", — განაცხადა ცერცვაძემ ჟურნალისტებთან.

12 ოქტომბერს საქართველოში კორონავირუსის 478 ახალი შემთხვევა დაფიქსირდა. გამოჯანმრთელდა — 211. ბოლო მონაცემებით, სულ 12 272 შემთხვევაა დადასტურებული. აქედან, 6 538 ადამიანი უკვე გამოჯანმრთელდა. კორონავირუსით სულ 93 ადამიანი გარდაიცვალა.

ამ დროისთვის კარანტინის რეჟიმში 5 590 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 393 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: