სახლსა და სკოლას ან სამსახურს შორის გადარბენისას, გზაში გამოთავისუფლებული რამდენიმე წუთი ხშირად იმ რაღაცების საკეთებლადაა, რისთვისაც დრო არ გვრჩება. ეს, შესაძლოა, კონსპექტების კითხვა იყოს გამოცდის დღეს, ან თუ წინა ღამეს მოასწარით მეცადინეობა, შეგიძლიათ, იკითხოთ წიგნი იმაზე, როგორ დაიკიდოთ გამოცდა ფეხებზე ნატიფად.

თუმცა ზოგიერთი წიგნი იმდენად საინტერესო და ცოტათი უცნაურია, რომ გარშემომყოფები ფოტოს გადაღების ცდუნებას ვერ უძლებენ. ინსტაგრამანგარიშს, რომელზეც მეტროში გადაღებულ უჩვეულო ფოტოებს შეხვდებით, 2,1 მილიონზე მეტი გამომწერი ჰყავს.

ანგარიშის შემქმნელი, რიკ მაკგუაირი, ამბობს რომ მეტრო ყველაზე სახალისო სივრცეა, რადგან ვაგონში გამოკეტილ ადამიანებს გარკვეული დროის განმავლობაში ერთმანეთის ატანის გარდა სხვა საქმე არ აქვთ. თუმცა, როგორც ჩანს, ზოგიერთმა ადამიანმა სხვა საქმის გამონახვა სცადა და ისეთი წიგნის კითხვა დაიწყო, რომელმაც თანამგზავრების ყურადღების მიპყრობა ადვილად მოახერხა.

1. როგორ გვეძინოს კარგად

ფოტო: subwaycreatures

როგორც ჩანს, მართლა კარგი წიგნია.

2. როგორ გავიჩინოთ და შემდეგ დავხოცოთ მეგობრები

ფოტო: subwaycreatures

ეს ეტაპი ყველას გამოგვივლია, როცა რაღაც ჭორს სამეგობროში ყველაზე ბოლოს ვიგებთ.

3. რატომ ხდებიან არაკომპეტენტური კაცები ლიდერები

ფოტო: subwaycreatures

ალბათ არ გაგიკვირდებათ, თუ გეტყვით, რომ ეს წიგნი ტრამპის გაპრეზიდენტების შემდეგ გამოიცა.

4. გთხოვთ, მომკალით

ფოტო: subwaycreatures

დანამდვილებით ვერ გეტყვით, თუმცა, დიდი ალბათობით, ორშაბათ დღესაა გადაღებული.

5. როგორ წავიკითხოთ წიგნი

ფოტო: subwaycreatures

სულაც არაა გასაკვირი მას შემდეგ, რაც ზუმში ლექციებს ატარებენ, თუ როგორ ჩავატაროთ ლექცია ზუმში.

6. რატომ აქვთ კაცებს ძუძუსთავები?

ფოტო: subwaycreatures

ეს ეგზისტენციალური კითხვა ავტორს, სავარაუდოდ, შხაპის მიღებისას დაებადა და N1 ბესტსელერის მწერლად აქცია.

7. როგორ ვიყოთ ზრდასრული

ფოტო: subwaycreatures

ეს ტექსტი ჭურჭლის პირველი გარეცხვიდან ცხოვრების ბოლომდე თითქმის ყველა ადამიანის სამაგიდო წიგნია.

8. ჰუმუსი და მკვლელობა

ფოტო: subwaycreatures

ხასიათს გააჩნია.

9. როგორ არ მოვკვდეთ

ფოტო: subwaycreatures

ადამი და ევა მას შემდეგ, რაც აკრძალული ხილი შეჭამეს.

10. შეუძლია თუ არა ჩემს კატას ჩემი თვალის კაკლების შეჭმა

ფოტო: subwaycreatures

მკითხველამდე, სავარაუდოდ, მიაღწია ინფორმაციამ, რომ ხშირად ეს ფუმფულა არსებები გარდაცვლილი პატრონის სხეულით დანაყრებაზე უარს არ ამბობენ.

11. იდიოტების გარემოცვაში

ფოტო: subwaycreatures

ფოტოგრაფს მაინცდამაინც კომფორტულად არ უნდა ეგრძნო თავი.

12. ზომბებისგან გადარჩენის გზამკვლევი

ფოტო: subwaycreatures

2020 წელს, როცა მოსიარულე მკვდრების სცენარისტები ინსპირაციას რეალობისგან იღებენ, ძალიან საჭირო წიგნია.

13. შეიძლება, კუილის შეკავებისგან მოკვდე?

ფოტო: subwaycreatures

არა, თუმცა არშეკავებისგან სიკვდილს მაინც სჯობს ალბათ.

14. დაბოლოს — რაში გვჭირდება დამაინტრიგებელი წიგნი, როცა შეგიძლია, ფეისბუქკომენტარები იკითხო

ფოტო: subwaycreatures

მერე რა, რომ მეტროში ინტერნეტი არ იჭერს, შეგიძლია, ამობეჭდო და გემრიელად იკითხო, როგორ თათხავს ორი უცნობი ადამიანი ერთმანეთს.