სიღნაღის მუნიციპალიტეტის სოფელ ერისიმედში შინაგან საქმეთა სამინისტროს საკონტროლო პუნქტი ამოქმედდა. ინფორმაცია ამის შესახებ უწყებამ გაავრცელა.

შსს-ს ცნობით, სოფელში შემსვლელ და გამომსვლელ მოქალაქეებს თერმოსკრინინგი უტარდებათ, ხოლო საჭიროების შემთხვევაში ტესტირებაც ადგილზევე ჩაუტარდებათ.

შინაგან საქმეთა სამინისტროს მიერ გავრცელებული ინფორმაციის თანახმად, მთავრობის უწყებათშორისი საკოორდინაციო საბჭოს მიერ მიღებული გადაწყვეტილებით, აღნიშნული პუნქტი კორონავირუსის პრევენციისა და მოქალაქეთა აქტიური მონიტორინგის მიზნით მოეწყო.