ჩინეთის საბავშვო ბაღში დანით შეიარაღებული კაცი შეიჭრა და 11 აღსაზრდელს თავს დაესხა. ინფორმაციას ადგილობრივ მედიაზე დაყრდნობით CNN ავრცელებს.

თავდამსხმელი ბაღში შესასვლელად კედელზე გადაძვრა. არსებული ინფორმაციით, ის უკვე დაკავებულია, ხოლო არცერთ ბავშვს აღენიშნება სიცოცხლისთვის საშიში დაზიანებები.

41 წლის კაცის ბაღზე თავდასხმის მოტივი უცნობია. პოლიცია გამოძიებას აწარმოებს.

ჩინეთის სკოლებსა და საბავშვო ბაღებზე დანით თავდასხმის ფაქტები გახშირებულია.

  • 2016 წელს ჩინეთის სამხრეთ ნაწილში თავდამსხმელმა ჯერ 10 ბავშვი დაჭრა, შემდეგ კი თავი მოიკლა.
  • 2014 წელს მორიგმა თავდამსხმელმა 3 მოსწავლე მოკლა და შემდეგ შენობიდან გადახტა.

ჩინეთის სკოლებში აღნიშნული ინციდენტებისგან თავის დასაცავად მასწავლებლებსა და სკოლის თანამშრომლებს ტრენინგებს უტარებენ.

ფოტო ჩინეთის ერთ-ერთ სკოლაში, თავდამსხმელისგან თავის დასაცავად ჩატარებული ტრენინგიდან.

ფოტო: Getty