ჩვენ მივეჩვიეთ, რომ უკვე დიდი ხანია, აღარ არსებობს არაფერი, რაც აქამდე არავის მოუფიქრებია, დაუმუშავებია და სმარტფონზე მორგებულ საშუალებად არ უქცევია. მობილური აპლიკაციები არსებობს ყველაფრისთვის, რათა დაგვეხმარონ სწორად კვებაში, ვარჯიშში, გალამაზებაში, სწავლაში, დროის მართვაში და სხვა. რასაკვირველია, ამ მხრივ არც საავტომობილო სფეროა გამონაკლისი, აპლიკაციები შენ ნაცვლად იანგარიშებენ მგზავრობის დროს, დაგიგეგმავენ მარშრუტს, შეგახსენებენ ძრავში ზეთის გამოცვლის თარიღს და ონლაინ დაგიჯავშნიან ადგილს ტექინსპექტირებისთვის.

თუმცა, სირთულე ამგვარი სასარგებლო აპლიკაციების პოვნაშია, რათა ურიცხვი ანალოგებიდან, შეარჩიო შენთვის ყველაზე ხელსაყრელი, მოქნილი და მარტივი საშუალება. ჩვენ, მოცემულ სტატიაში, სწორედ ამ პრობლემას მოგიგვარებთ და გაგაცნობთ რამდენიმე სასარგებლო აპლიკაციას, რომელიც ავტომობილით სარგებლობისას თუ მოგზაურობის დასაგეგმად გამოგადგება.

CarG

ეს აპლიკაცია გაგიადვილებს ავტომობილის მოვლას. რა არის ამისთვის საჭირო ? ჩამოტვირთე აპლიკაცია, შეიყვანე შენი ავტომობილის მარკა და გამოშვების წელი. შემდეგ კი ჩამონათვალში (Engine Oil, Brakes, Air Conditioner, Gear Box, Tires, Battery, Replaced parts) მონაცემები დაამატე, პირობითად: როდის შეცვალე ძრავში ზეთი, მუხრუჭები თუ საბურავები და დაამახსოვრე. ეს აპლიკაცია, არის შენი ავტომობილის ერთგვარი ელექტრონული დღიური, გაძლევს საშუალებას, მარტივად ღილაკზე თითის დაჭერით ადევნო თვალყური, თუ როდის გიწევს გეგმიური სტუმრობა სერვის ცენტრში, რათა გაუხანგძლივო სიცოცხლე შენს ავტომობილს.

Play store

Myauto

მობილური აპლიკაცია შექმნილია, რათა მარტივად ნახო საშენო ავტომობილი, მოტოციკლი ან სპეცტექნიკა. ის აერთიანებს ყველა სერვისს და წარმოადგენს ყოვლისმომცველ პლატფორმას საავტომობილო სფეროში. მობილურ ვერსიაში განახლებული მთავარი გვერდის, ძებნის ჭკვიანი მოდულის და ერთ აპში გაერთიანებული სერვისების მეშვეობით შესაძლებლობა გეძლევა მარტივად შეამოწმო ავტომობილი VIN კოდით, მოითხოვო სესხი სასურველი მანქანის შესაძენად, იანგარიშო რამდენის გადახდა მოგიწევს, ისარგებლო განბაჟების კალკულატორით და დაჯავშნო ტექინსპექტირება.

Play store

App store

Smart Dash Cam

ამ აპლიკაციის მეშვეობით, აღარ დაგჭირდება ძვირიანი ვიდეო რეგისტრატორის შეძენა. ეს აპლიკაცია მოგცემს საშუალებას, ჩაიწერო ყველაფერი, რაც გზაზე ხდება. ის ერთგვარი ავტომობილის "შავი ყუთია". რა არის ამისთვის საჭირო ? მობილურის სამაგრი და თუნდაც ბიუჯეტური მინიმალური მონაცემების მქონე ძველი სმარტფონი, რომელიც მარტივად შეგიძლია ვიდეორეგისტრატორად აქციო, თუ ის უკვე აღარ გჭირდება.

Play store

App store

Polarsteps

გიყვარს მოგზაურობა და თავგადასავლები? ეს უნიკალური აპლიკაცია შენს მარშრუტს რუკაზე დაიტანს და შექმნის ჩანაწერს თუ სად იყავი და რა მანძილი გაიარე. ხოლო, ინტერნეტთან წვდომის შემთხვევაში შეგიძლია შენი მოგზაურობის ფოტომასალა და მარშუტი მეგობრებს გაუზიარო. ასევე, შენს მოგზაურობას გაეცნობიან მსოფლიოს მასშტაბით მოგზაურები და დაეხმარება მათ მომავალი ვიზიტის დაგეგმვაში.

Play store

App store

Waze

შესანიშნავი აპლიკაცია მოგზაურობისათვის. ამ აპლიკაციის მთელი ხიბლი ის არის, რომ მსოფლიოს ნებისმიერ წერტილში, დაგეხმარება იპოვო სასურველი მისამართი ისე, რომ ინტერნეტის გამოყენებაც კი არ დაგჭირდება. მართალია, ერთგვარად ანალოგიური ფინქციებით გუგლის სერვისებიც არის აღჭურვილი — Offline maps-ის ფუნქცია, თუმცა ამ შემთხვევაში უფრო მარტივი და მოქნილი სანავიგაციო საშუალება გექნება.

Play store

App store