ლელოს თავმჯდომარის, მამუკა ხაზარაძის თქმით, პარტიას აქვს ამბიცია, გახდეს მთავარი ოპოზიციური ძალა. ხაზარაძე ამბობს, რომ მხოლოდ არჩევნების შემდეგ, როცა რეალური ციფრები დაიდება, გადაწყვეტენ, ვის შეიერთებს ლელო კოალიციის შესაქმნელად.

"თუ საქართველო დარჩა ორპოლუსიანობის მდგომარეობაში, ამ ქვეყანას განვითარება არ უწერია. ეს ორი ძალა და მასთან ასოცირებული სატელიტი პარტიები ყველაფერს აკეთებდნენ, რომ დარჩენილიყვნენ მმართველობაში. თუმცა, ეს მითი დაინგრა ახალი ძალის, ლელოს გამოჩენით პოლიტიკურ სივრცეში. ჩვენ ვართ დამოუკიდებელი პოლიტიკური ძალა და რეიტინგებში ჩვენ ვართ ორნიშნა რიცხვზე, იმიტომ, რომ ადამიანებს ახალი ძალა სჭირდებათ ქვეყანაში შექმნილი ორპოლუსიანობის დარღვევისთვის. ჩვენთვის სახელმწიფოებრივი პოზიცია არის ალტერნატივის შექმნა და ეს შევქმენით კიდეც. 100%-იანი ზრდა 10 დღის განმავლობაში მხოლოდ ლელოს აქვს, მხოლოდ მას გააჩნია მსგავსი ზრდის პოტენციალი. ჩვენი პარტია მყარადაა სამეულში და ამას კვლევებიც აჩვენებს. ამ დამოუკიდებელ კვლევებს მალე იხილავს საზოგადოება და დასკვნის გაკეთებას ნუ ვიჩქარებთ, რადგან ამას 31 ოქტომბერს ყველა ერთად დავინახავთ", — ანაცხადა მამუკა ხაზარაძემ.